طيبين لاب Tayibeen.lab دخول المشتركين

النتيجة تنكتب، تنراجع،
وتنطبع باسم مختبرك.

طيبين لاب برنامج ويندوز لمختبرات العراق الصغيرة. تكتب النتائج بلوحة المفاتيح، وتراجعها، وتطبعها. وبيانات مرضاك تبقى بحاسبتك.

التجربة مجانية لعدد قليل من المختبرات.

أنبوب سحب دم بغطاء فيروزي وعليه ملصق المختبر، نفس أنبوب شعار طيبين لاب.

شوف شلون يشتغل.

  1. شاشة اليوم

    كل شغل المختبر بشاشة وحدة: منو ينتظر، وشنو جاهز للطباعة، وشنو انطبع.

    شاشة اليوم: شغل اليوم بمراحله الثلاث، والقائمة الجانبية.
  2. تكتب النتيجة

    كل فحص يبين وحدته ومداه. اللي برا المدى يتعلّم بحرف واضح، وما ينكتب أي تشخيص.

    • L واطي
    • H عالي
    • C حرج
    جدول نتائج الدهون والأملاح، وكل نتيجة يمها علامتها ومكانها من المدى.
  3. كل تعديل محفوظ

    إذا انعدلت نتيجة، القيمة القديمة تبقى، وينحفظ منو عدّلها وشوكت وليش.

    سجل التعديلات بأربع تعديلات: كل سطر بيه القيمة القديمة والجديدة والسبب.
  4. تطبعها باسم مختبرك

    شعار مختبرك واسمه وعنوانه فوق التقرير. والورقة اللي تكتب عليها هي نفسها اللي تنطبع.

    تقرير كيمياء دم جاهز، باسم مختبر عرض وهمي فوق، وختم المختبر وتوقيعه تحت.
  5. CBC على ورقة جهازك

    البرنامج يكمّل ورقة جهاز الـCBC باسم المريض والطبيب، بمكانهم بالمليمتر.

    بطاقة CBC على ورقة جهاز ماندري، ويا زر اطبع على ورقة الجهاز.

وأشياء صغيرة تفرق كل يوم.

بطاقة مؤقت جديد: شنو تنتظر، ومدد جاهزة 15 و30 و45 و60 دقيقة، وزر شغّل المؤقت.
مؤقتات. اكتب شنو تنتظر وكم دقيقة، والبرنامج يدق لما يخلص الوقت، حتى لو جنت بشاشة ثانية.
F2
مريض جديد
F9
طباعة
Ctrl K
دوّر على مريض

لوحة المفاتيح أول. الفني يدخل نتائج الفحوصات بالتتابع بدون ما يمسك الماوس.

إعدادات حقول المريض: العمر والطبيب والهاتف بمفاتيح تشغيل، والوزن والعنوان مطفيين.
البرنامج على مقاس مختبرك. العمر والطبيب والهاتف: تطفي اللي ما تحتاجه. والأجور والصندوق تشتغل، أو تطفيها بزر واحد وتختفي من كل مكان.

بياناتك إلك.

تبقى بحاسبتك.
ماكو اسم مريض ولا نتيجة يطلع من حاسبة المختبر. وقاعدة البيانات مشفّرة على الحاسبة نفسها.
ما تنقفل عليك.
إذا خلص اشتراكك، عندك 30 يوم سماح، وبعدها تبقى تفتح وتطبع وتصدّر كل نتائج مرضاك القديمة. بس ما تضيف نتائج جديدة لحد ما تجدد.
نسختك الاحتياطية بإيدك.
البرنامج يسوي نسخة مشفّرة كل يوم لحاله، وتنسخها على فلاشة بضغطة. وترجع بياناتك بحاسبة جديدة بالفلاشة وورقة كود الاسترجاع.
الإنترنت مو شرط.
البرنامج يشتغل بدون إنترنت. تحتاجه بس حتى تنزّله وتنزّل تحديثاته.

شنو بالضبط يطلع من الحاسبة؟

شلون تبدي.

تتواصل ويانا نسويلك حساب تنزّل البرنامج من حسابك تجهّز مختبرك وتطبع ورقة الكود

التجربة مجانية

لعدد قليل من المختبرات، ولمدة نتفق عليها ويّاك. التجربة حالياً بدعوة من طيبين لاب.

الاشتراك السنوي

السعر نقرره ويّا المختبرات بعد فترة التجربة.

بعد التجربة يبقى نفس الحساب، ونفس البرنامج، ونفس البيانات.

أسئلة

يحتاج إنترنت؟

لا. يشتغل بدون إنترنت. تحتاجه بس حتى تنزّل البرنامج وتحديثاته.

إذا خلص الاشتراك، شنو يصير ببياناتي؟

تبقى كلها عندك. أول 30 يوم بعد النهاية سماح والبرنامج يشتغل عادي. بعدها تفتح وتدوّر وتطبع التقارير القديمة وتصدّر وتسوي نسخة احتياطية. اللي يوقف بس إضافة نتائج جديدة أو تعديلها، لحد ما تجدد.

إذا سويت فورمات أو بدلت الحاسبة؟

تسجل دخول بحسابك بالموقع وتنزّل البرنامج من جديد. أول ما يفتح تختار «رجّع مختبري من نسخة احتياطية»، وتحط الفلاشة، وتكتب الكود من ورقتك. وترجع بياناتك كلها.

ليش الويندوز يطلع تحذير أول تنصيب؟

لأن البرنامج جديد وبعده ما موقّع بشهادة مدفوعة. تضغط «More info» وبعدها «Run anyway». صفحة طريقة التنصيب تشرحها بالصور.

يشتغل على أي ويندوز؟

ويندوز 10 أو 11، نسخة 64 بت.

شلون أشترك؟ ما لگيت زر تسجيل.

ماكو تسجيل مفتوح بالموقع. التجربة حالياً بدعوة من طيبين لاب: نسويلك حساب، وتدخل بيه وتنزّل البرنامج.

جرّبه بمختبرك.

التجربة حالياً بدعوة من طيبين لاب. إذا عندك حساب، ادخل ونزّل البرنامج.

دخول المشتركين