طيبين لاب Tayibeen.lab دخول المشتركين

طريقة التنصيب

خمس خطوات، تسويها مرة وحدة على كل حاسبة. بعدها البرنامج يشتغل بدون إنترنت.

  1. نزّل البرنامج من حسابك

    سجّل دخول بالحساب اللي سويناه لمختبرك، ومن صفحة «حسابي» اضغط «حمّل البرنامج».

    نزّله من موقعنا بس. إذا لگيته بمكان ثاني، لا تنصّبه.

  2. افتح ملف التنصيب

    تلگاه بمجلد التنزيلات. اسمه يبدي بـTayibeen Lab وينتهي بـsetup.exe.

    ملف التنصيب
  3. إذا طلعت شاشة زرقاء

    الويندوز ما يعرف البرنامج لأنه جديد وما موقّع بشهادة مدفوعة (حالياً)، فيكتب «ناشر غير معروف». تأكد إنك نزّلته من موقعنا.

    اضغط More info، وبعدها Run anyway. بالويندوز العربي نفس الزرين وبنفس المكان، بس مكتوبين عربي.

    تريد تتأكد من الملف؟ قارن بصمته (SHA-256) بالبصمة المكتوبة بصفحة «حسابي» جنب زر التحميل.

    شكل توضيحي للشاشة، مو صورة منها. الزر المحدد بالأصفر هو اللي تضغطه.

  4. كمّل التنصيب

    اتبع الشاشات لحد ما يخلص، وبعدها افتح البرنامج من قائمة «ابدأ» باسم Tayibeen Lab.

    طيبين لاب
  5. جهّز مختبرك

    أول ما يفتح البرنامج تطلع «أهلاً بطيبين لاب». اختار «مختبر جديد»، واكتب اسم المختبر وأول فني.

    يطلعلك كود الاسترجاع. اطبع ورقته وخليها بمكان أمين برّا المختبر: بيها ترجع بياناتك إذا الحاسبة خربت.

    مختبر جديد

شنو يحتاج

حاسبة ويندوز 10 أو 11 (64 بت)، وإنترنت حتى تنزّل البرنامج. بعدها يشتغل بدون إنترنت.

سويت فورمات، أو بدلت الحاسبة؟

سجّل دخول ونزّل البرنامج من جديد. أول ما يفتح اختار «رجّع مختبري من نسخة احتياطية»، وحط الفلاشة، واكتب الكود من ورقتك.

علگت بخطوة؟

تواصل ويا طيبين لاب بنفس الطريقة اللي اتفقنا بيها على التجربة.