شنو يطلع من حاسبتك، وشنو ما يطلع
طيبين لاب مبني على قاعدة وحدة: بيانات مرضاك تبقى بحاسبة مختبرك. هاي الصفحة تگول شنو يوصلنا، ووكتيش.
هسه البرنامج ما يرسل أي شي. التفعيل وتقارير الأغلاط ينضافون بنسخ جاية، وهاي القائمة هي اللي راح يطلع بالضبط، ولا شي غيرها.
ما يطلع أبداً
- أي اسم مريض أو أي معلومة عنه.
- أي نتيجة أو تقرير.
- كم مريض أو كم فحص يسوي مختبرك.
- أي نص حر تكتبه بالبرنامج (غير اسم الحاسبة)، ولا أسماء الملفات والمجلدات.
يطلع وقت التفعيل والتجديد (بالنسخة الجاية)
- رقم الترخيص ونسخة البرنامج.
- اسم الحاسبة اللي انت تكتبه.
- مفتاح عام خاص بالحاسبة، وبصمتها كرمز ما ينقرأ. بيهم نعرف إن الترخيص لهالحاسبة.
- بصمة ملفات البرنامج كرمز.
- عدّاد التجديد والوقت.
تقارير الأغلاط، وتكدر تطفيها (تنضاف بعدين)
إذا البرنامج واجه غلط، يرسلنا هالقائمة بس: رمز الغلط من قائمة معروفة، ومكانه بالبرنامج (الملف والسطر)، وكم مرة صار وأول وآخر مرة، ونسخة البرنامج ونسخة محرك Edge ونسخة الويندوز، وموديل الطابعة وبرنامج تشغيلها وحالة الطباعة، وكم يوم من آخر نسخة احتياطية، والمساحة الفارغة بالقرص، وآخر ظهور.
ماكو بيها أي شي عن المرضى، ولا أعداد، ولا نص حر. تنحفظ 90 يوم وتنمسح، وتكدر تطفيها من إعدادات البرنامج. [[CONFIRM: زر الإطفاء موجود بالإعدادات قبل النشر]]
شنو نحفظ عدنا
إيميل صاحب المختبر، واسم المختبر، والاشتراك ووكت ما يخلص، والحاسبات المفعّلة (اسمها، ومفتاحها العام، وبصمتها، وآخر ظهور، وعدّاد التجديد). هذا أقل شي يحتاجه الترخيص.
نسختك الاحتياطية
ملف تحفظه انت، على فلاشة أو بأي مجلد تختاره. إحنا ما نشوفه وما يوصلنا.
إذا خلص الاشتراك
بياناتك تبقى كلها عندك. عندك 30 يوم سماح والبرنامج يشتغل عادي، وبعدها يبقى يفتح ويطبع ويصدّر ويسوي نسخة احتياطية، بس ما يضيف نتائج جديدة لحد ما تجدد.
النص القانوني
هذا شرح بسيط. النص القانوني الكامل ينكتب قبل الاشتراكات المدفوعة. أسئلة عن الخصوصية، أو تريد نمسح معلومات حسابك من عدنا: تواصل ويا طيبين لاب.